நாட்டு நடப்புக்கள்

உயர்தர பரீட்சை குளறுபடிகள்

இன்று நாட்டின் முக்கிய பேசுபொருளாக உயர்தர பரீட்சை குளறுபடிகள் இருக்கின்றது. உடனடியாக முடிவுகளை இரத்துச்செய்து முழுமையான விசாரணைகளின் பின் முடிவுகளை மீள வெளியிட்டிருக்கவேண்டும். ஆனால் முடிவுகளை சந்தேகத்துக்கிடமான நிலையில் வைத்திருக்கவேண்டிய அவசியம் அரசுக்கு இருப்பதாவே தெரிகிறது. எஸ்பிக்கு தனியார் பல்கலைக்கழகங்கள் மீது இருக்கும் காதல் சொல்லிமாள முடியாதது. பரீட்சை முடிவுகள் மீதான சந்தேகம் தனியார் பல்கலைக்கழகங்களுக்கு நல்லதொரு ஆரம்பத்தை கொடுக்கும் என்ற கணக்கு இருக்கும் போல்தான் தெரிகிறது. தேசிய சுதந்திர முன்னணி கூட முன்னாள் பரீட்சை ஆணையாளர், அமைச்சர் ஒருவர் ஆரம்பிக்கப்போகும் தனியார் பல்கலைக்கழகத்தில் முக்கிய பொறுப்பில் நியமிக்கப்படுவார் என கூறியிருப்பது இச்சதித்திட்டத்தை வெளிச்சமாக்குகின்றது.


இதேவேளை ஊடகங்கள் கூட இவ்வளவுநாளும் திறம்பட இயங்கிய பரீட்சைத்திணைக்களத்தினை மிக கேவலமாக சித்தரிக்கும் முயற்சியில் இறங்கியுள்ளன. பொறுப்பற்ற தனியார் ஊடகங்கள் நாட்டின்தும் பொதுமக்களினதும் நலன்களுக்கு எதிரானவை என்பதை இது உறுதிப்படுத்துகின்றது.
தொடர்புடைய பதிவு 

தேசிய சுதந்திர முன்னணி

விமல் வீரவன்ச தலைமை வகிக்கும் தேசுமு; சமகால நிகழ்வுகளில் நியாயமான நிலைப்பாடுகளை எடுத்திருக்கிறது. தனியார் பல்கலைக்கழகங்கள் தொடர்பாக, உயர்தர பரீடசை முடிவுகள் தொடர்பாக, என்கவுன்டரில் கொல்லப்படும் பாதாள உலகம் தொடர்பாக அதன் நிலைப்பாடு நியாயமானது. சிலவேளை மஹிந்த அரசாங்கமுடன் முறுகல் ஏற்பட்டிருக்கலாம் என்ற ஊகங்கள் பரவலாக இருந்தாலும் நியாயம் நியாயம்தானே..


மக்கள் விடுதலை முன்னணி
மக்கள் விடுதலை முன்னணிக்குள்ளிருக்கும் குத்து வெட்டுக்கள் வெளிச்சத்துக்கு வந்திருக்கின்றன. ரணிலைப்போல் சோமவன்சவும் அரசின் கைப்பொம்மையாக மாறிவருகின்றது என்ற சந்தேகம் வலுக்கின்றது.

ஆயினும் ஜேவிபி இன் பிரசன்னம் நாட்டின் நலன்களுக்கு மிக இன்றியமையாது. புத்தக்கப்பூச்சிகளான ரேங்க் எடுத்து பல்கலைக்கழகங்களுக்கு தெரிவான மாணவர்களை விட ஜேவிபியின் நிகழ்ச்சி நிரலில் இயங்கும் பல்கலைக்கழக மாணவர்கள் இலவசக்கல்வியை பாதுகாக்க எடுக்கும் முனைப்புக்கள் பார்ரட்டப்படவேண்டியவை. புத்தகப்பூச்சிக்களை விட இவர்களே நாட்டின் சொத்து. இவ்வாறான தன்னலமற்ற துடிப்பான இளைஞர்களைக்கொண்ட கட்சியில் எவ்வளவுகாலத்திற்கு சோமவன்சவால் தாக்குப்பிடிக்கமுடியும்?

ஐக்கிய தேசியக் கட்சி

ஐதேகவின் நிர்வாகிக்களுக்கான தேர்தல் கரு ஜயசூரியவை பூச்சியமாக்கியிருக்கிறது. ஒரு கட்சிக்குள் வெற்றிபெறுவதற்கு சரியான வியூகம் அமைக்கத்தெரியாத சஜித்தின் திட்டத்திற்கு பலியாலிப்போன ஒருவர் எவ்வாறு சிரந்த தலைவராக இருப்பார்? அதேவேளை ஊடக வெளிச்சம்மூலம் தன்னை பிரபலம் என நினைத்துக்கொண்டிருந்த தயாசிறிக்கும் நல்ல அடி. தேவையான அடியும் கூட. வெகுஜன ஊடகங்களை மட்டும் நம்பும் அரசியல்வாதிகள் இனி சுதாகரித்துக்கொள்ளவேண்டும். ஐதேகவின் யாப்புத்தான் இத்தோல்விகளுக்கு காரணம் என பலர் நியாயம் கற்பிக்க கூடும். ஆனாலும் ஆளம் அறியாமல் காலை விடுவதும் தப்பு, ஆடத்தெரியாதவன் கூடம் கோணல் என்பது தப்பு. தகுதியான தலைவர் எந்தவொரு களத்திலும் தன்னை நிரூபிக்க கூடியவராக இருக்கவேண்டாமா?
தொடர்புடைய பதிவு 

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

Don 2: The King is Back

ஷாருக்கான் நடிப்பில் வெளிவந்திருக்கும் திரைப்படம்தான் Don 2.

இது 3D திரைப்படமாகவும் வெளிவந்திருக்கிறது.

Don தொடரில் நான் பார்த்த முதல் திரைப்படம். பில்லா போன்ற Stylish ஆன காட்சிப்படுத்தல்களை எதிர்பார்த்திருந்தேன். எதிர்பார்ப்புக்கு ஏற்றாற்போல் இல்லாவிட்டாலும் அழகான காட்சியமைப்புக்கள். படம் முழுக்க முழுக்க வெளிநாடுகளில் காட்சிப்படுத்தப்பட்டுள்ளதால் படத்தில் Styleஐ இலகுவாக கொண்டு வந்துவிடுகிறார் Director.

தாய்லாந்தில் தன்னை கொல்லுவதற்கான திட்டம் ஒன்றிலிருந்து தப்பிக்கும் மலேசியாவில் IntrPol இடம் சரணடைகின்றார். சிறையில் தனது எதிரியான மலிக்கை சந்திக்கிறார். மலிக்கின் கொலை முயற்சியிலிருந்து தப்பும் டொன், தனது சிறையிலிருந்து தப்பும் திட்டத்தில் மலிக்கையும் இணைத்து இருவரும் சிறையில் இருந்து தப்பிக்கின்றனர்.

இருவரும் ஜேர்மனி சென்று அங்கு லொக்கர் ஒன்றில் இருக்கும் ஒரு கொலைத்திட்டம் தொடர்பான வீடியோ ஆதாரத்தை கைப்பற்றுகின்றனர். அவ்வாதாரத்தை வைத்து Euro நாணயத்தாள்களை அச்சிடும் பிளேட்டை கொள்ளையிட திட்டம் தீட்டுகின்றனர்.

இதன்போது டொன்னை கொல்வதற்கு ஜப்பாரை கூலிக்கு அமர்த்துகிறார் Vice President. அத்திட்டத்தில் தப்பும் டொன் தனது திட்டத்தில் ஜப்பாரையும் கூட்டுச்சேர்கிறார்.

Hacker சமீர் அலியை தனது திட்டத்தில் சேத்துக்கொள்ளும் டொன் வங்கியில் நுழைந்து யூரோ பிளேட்டை திருடியதும் ஜப்பாரும் மலிக்கும்  டொன்னுக்கு எதிராக திரும்பி பிளேட்டை பறித்துக்கொள்கின்றனர்.

அங்கிருந்து தப்பும் டொன் சமீர் அலியால் பொலீஸிடம் காட்டிக்கொடுக்கப்படுகிறார். பொலீஸுடன் ஒப்பந்தமொன்றிற்கு வரும் டொன் ரோமாவுடன் சேர்ந்து வங்கி முற்றுகையை முடிவுக்குகொண்டுவருகிறார். இதற்கு கைமாறாக கிடைக்கும் மன்னிப்பை பயன்படுத்தி தண்டனையிலிருந்து தப்புகிறார்.

வழமையாக இவ்வகை திரைப்படங்களிலிருக்கும் Hot கொள்ளைக்காரி இத்திரைப்படத்தில் இல்லை. இதில் உள்ள ஒரே ஒரு கவர்ச்சி ஆறுதல். ஒரு பார்ட்டிக்காக ரோமா அணியும் ஆடையை 3D இல் பார்த்தால் உங்களுக்கு ஜன்ம சாபல்யம் கிடைக்கலாம். ;)

அதேபோல் படத்தில் ஒரே ஒரு பாடல் மட்டுமே. அதிலும் வழமையான வில்லன் பாடல்களில் வருவதை காட்டிலும் கவர்ச்சி குறைவே.

ஆயினும் திரைப்படத்தில் விறுவிறுப்புக்கு பஞ்சமே இலலை. ஒரு முழுமையான சுவாரஸ்யமான திரைப்படத்தை பல வழமையான மசாலாக்கள் இல்லாமல் தர முடிந்திருப்பது பர்ஹான் அக்தரின் திறமைக்கு சான்று..

கொசுறு: டொலர் அச்சிடும் அச்சகம் இலங்கையில்தான் இருக்கிறது.

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.