இவர்களால் என்னபயன்?

இலங்கையில் நடக்கும் ஒருநாள் போட்டி தொடரை பார்க்கும் வாய்ப்பு கிட்டாவிட்டாலும் இணையங்களிநூடாக செய்திகளை அறிந்துவருகிறேன்..

இலங்கையின் பதிவுலகில் சில முக்கிய பதிவர்கள் செய்யும் அழிச்சாட்டியங்களை பார்க்கும்போது எரிச்சலாக வருகிறது.. வெறுமனே ஹிட்ஸ் தான் இவர்களின் இலக்காக மாறியிருப்பதால் ஆக கூடுதலான ஹிட்ஸ் வரக்கூடிய இந்தியாவுக்கு சார்பாகவே எதையாவது எழுதுவதுதான் இவர்களின் வேலையாக போயிருக்கிறது.. ரண்டிவ் மற்றும் தர்மசேன பற்றி எழுத நேரம் இருக்கும் இவர்களுக்கு இந்தியா டெஸ்ட் போட்டிகளில் தீர்ப்புகளுக்கு எதிராக மேல் முறையீடு செய்ய இருக்கும் வாய்பை நிராகரித்தது ஒரு உபரி செய்தியே..

The Umpire Decision Review System (abbreviated as UDRS or DRS) is a new technology based system currently being used on an experimental basis in the sport of cricket. The system is being used only in Test Cricket for the sole purpose of reviewing the controversial decisions made by the on field umpires in the case of a batsman being dismissed or not. The new revived system was officially launched by International Cricket Council on 24 November 2009 during the first test match between Pakistan and New Zealand at the University Oval in Dunedin.



இவர்கள் எதை எழுதினாலும் தான் இலங்கையன் என்ற உணர்வுட எழுதாவிட்டாலும் இந்த இந்தியாவுக்கு வால் பிடுத்து தான் ஹிட்ஸ் சம்பாதிக்கணும் என்றிருந்தால் இவர்களால் என்னபயன்?

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

சனத் ஜயசூரியவிற்கு ஒரு கடிதம்

எனது அன்பிற்குரிய சனத்,

உங்கள் சொந்த ஊரான மாத்தறையிலிருந்து எதிர்வரும் பாராளுமன்ற தேர்தலுக்காக வேட்புமனுவை தாக்கல் செய்வதை கண்டபின் உங்களுக்கு கட்டாயம் மடல் வரையவேண்டுமென நினைத்திருந்தேன். உங்கள் தீர்மானம் தொடர்பாக நான் வியப்படையவில்லை என்பதை ஏற்றுக்கொண்டபோதும், நான் ஏமாற்றமடைந்திருக்கிறேன் என்பதை கட்டாயம் சொல்ல வேண்டும்.

உங்களுடன் ஏமாற்றத்தை சந்திப்பது ஒன்றும் புதிதல்ல. ஏனென்றால் நாட்டுக்காக நீங்கள் விளையாடிய கிரிக்கட் போட்டிகளில் துடுப்பாலும் பந்தாலும் சில காலமாக ஏமாற்றமளித்து வந்துள்ளீர்கள். ஆனால் அப்போதெல்லாம் நீங்கள் தொடர்ந்து விளையாடியே வந்துள்ளீர்கள். அதிலும் முதிர்ந்த வயதான் 40 இலும் விளையாடியதும் மிகப்பெரிய ஏமாற்றமே.

கொஞ்ச நாட்களாக அது தெரிவாளர்களின் பிழை என நினைத்திருந்தபோதும், அவர்கள் உங்களை விடுவதற்கு தைரியத்தை வரவழைத்தபோது நீங்கள் மஹிந்த மாமாவிடம் ஓடியதையும், அவர் எவ்வாறு உங்கள் இடத்தை மீள் உறுதிப்படுத்த உத்தரவிட்டார் என்பதும் ஞாபக்ம் இருக்கிறது. பெந்தர கங்கையின் மற்றைய கரையில் இருந்து வந்திருப்பது சில அனுகூலங்களை கொண்டிருகிறது என்றே நினைக்கிறேன்.

சிந்தித்து பார்த்தால், 1996 இன் உலக கிண்ண வெற்றி அணி அரசியல் அணியாகத்தான் தெரிகிறது இல்லையா சனத்? ஏன் என்றால் இந்த தேர்தலின் பின் பாராளுமன்ற உறுப்பினர் பதவியை தக்க வைத்துக்கொள்வாரா என்பது சந்தேகமாக இருந்தாலும் அவர் பாராளுமன்ற உறுப்பினராக Captain Cool இருந்திருக்கிறார். நீங்களும் பெரும்பாலும் மாத்தறை MP ஆகுவீர்கள்.

இன்னும் எனது ஞாபகம் சரியாக இருந்தால், பச்சை அணியினரில் பலருக்கு வந்த பொதுவான நோய் வருமுன் ப்ரமோடய; கம்புறுபிட்டியவின் பச்சை அணியின் அமைப்பாளராக இருந்தார். அவரும் பக்கங்களை மாற்றிக்கொண்டு தான் மஹிந்த மாமாவை ஆதரிப்பதாக தெரிவித்திருந்தார்.

இன்னும்,இந்நாட்களில் குற்றச்சாட்டுக்கள் காரணமாக அடிக்கடி செய்திகளில் அடிபடும் ஹசானும் இருக்கிறார். அவருக்கு என்ன நடக்கும் என்பதை பொறுத்திருந்து பார்க்கவேண்டும். 1996 இன் உலககிண்ண அணியில் இனியும் அடக்கவிருப்பது முரளிதரனை (முத்தையா, வினாயகமூர்த்தி அல்ல) வடக்கின் முதலமைச்சர் ஆக்குவதுதான்.

ஆனால் சனத் நான் உங்களுக்கு கடிதம் எழுத நினைத்தது, இந்த கிரிக்கட் வீரர்களும், மற்றைய SJயும் (சுசந்திக்கா ஜயசிங்ஹ) மாலனி, கீதா மற்றும் பிற கலைஞர்களும் தேர்தலுக்காக பிரேரிக்கப்பட்டுள்ளது தொடர்பாகத்தான்.

மில்லிய்ன் கணக்கான தொலைக்காட்சி விளம்பரங்களில் தோன்றி ‘palapurudu, sanvedi naayakaya’ வைத்தான் நாங்கள் தெரிவுசெய்யவேண்டும் என்று சொன்னீர்கள். இப்படித்தான் அந்த ‘palapurudu, sanvedi naayakaya’ உங்களுக்கு ஊதியமளிக்கிறார் என்று நினைக்கிறேன்.
அதனால்தான் எமது நாட்டின் பாராளுமன்றத்தை கிரிக்கட் வீரர்கள் , தடகள வீரர்கள், சினிமா நட்சத்திரங்கள் கொண்டு நிரப்புவது நல்ல தீர்வாக என்று அங்கலாய்க்கிறேன்.

கிரிமினல்களையும் போதைப்பொருள் கடத்தல் காரர்களையும் கொண்டு பாராளுமன்றத்தை நிரப்புவதை விட இது சிறந்தது என்று வாத்தித்தால் அதில் கொஞ்சம் உண்மை உண்டு என்றே சொல்லவேண்டும். ஆனாலும் பிரபலங்கள் பாராளுமன்ற உறுப்பினர் ஆவதற்கு பொருத்தமானவர்கள்தானா என்று இன்னமும் சந்தேகிக்கிறேன்.

சிறந்த கிரிக்கட் வீரராக இருப்பது, உங்களை சிறந்த பாராளுமன்ற உறுப்பினர் ஆக்கும் என்ற வாதத்தை வைப்பீர்கள் என்றால் ஏன் அதன் மறுபக்கத்தை பார்க்ககூடாது? உதாரணத்துக்கு புத்திகூர்மை மிக்க சட்டநிபுணர்களான மறைந்த லலித் அத்துலத் முதலியையோ அல்லது மறைந்த லக்ஸ்மன் கதிர்காமரையோ எடுத்து பாருங்கள். (கட்ந்த பாராளுமன்றத்தில் எந்தவொருவரையும் ஞாபகம் வரவில்லை. அதனால்தான் மறைந்த கனவான்களை ஞாபக படுத்தினேன்)

அதே வாதத்தை பாவித்தால், லலித் அத்துலது முதலியை அல்லது கதிர்காமரை தேசிய கிரிக்கட் அணியில் வெறுமனே அவர்கள் சிறந்த அரசியல்வாதிகள் என்ற காரணத்திற்காக சேர்க்கமுடியும். இது உங்களுக்கு அசட்டுத்தனமாக தெரிந்தால், அதேபோல் உங்களைப்போன்ற சிறந்த கிரிக்கட் வீரர்கள் சிறந்த பாராளுமன்ற உறுப்பினர்கள் ஆவார்கள் என்பது எனக்கு அசட்டுத்தனமாகவே தெரியும்.

இன்னும் சமகால உதாரணங்களான பாகிஸ்தானின் இம்ரான் கானும், எமது கெப்டன் கூலும் அரசியலில் பெரிதாக சாதிக்கவில்லை. அதேபோல் எமது சிறந்த நடிகர்களான காமினியும் விஜயவும். அதனால் உண்மையாக நான் உங்கள் நற்பெயர் பற்றிய்ம், அரசியல்வாதியாக எதிர்காலம் பற்றியும் பயப்படுகிறேன் சனத்.

நாம் உங்களை 1996 இல் உலககிண்ணத்தை வென்றுதந்த சிறந்த கிரிக்கட் வீரராகவே ஞாபகிக்கவே விரும்பினோம். ஆனால் அரசியலை தேர்வு செய்ததன் மூலம், உங்களை அரசியல் வாதியாக அன்றி வேறுவழிகளில் நினைத்து பார்க்க முடியாது செய்துவிட்டீர்கள். உங்களுக்கு என்னால் அதிஷடம் கிடைக்கட்டும் என்று சொல்வதை தவிர வேறு எதுவும் சொல்வதற்கு இல்லை. ஏன் என்றால் கிரிக்கட் அரங்கிலும் பார்க்க இங்குதான் உங்களுக்கு அது அதிகப்படியாக தேவைப்படுகின்றது.

உண்மையுடன்
புஞ்சி புதா

குறிப்பு: இந்த விளையாட்டில் replay அல்லது மூன்றாம் நடுவர் இல்லை என்பதை மறக்கவேண்டாம் சனத். உங்களுக்கு அவுட் கொடுத்தால் நீங்கள் வெளியாகவே வேண்டும். இன்னும் நீங்கள் ஒரு துறையின் உச்சத்திலிருந்து ஓய்வுபெறும்போது அரசியலில் ஈடுபடுவது நல்ல முடுவுதான் என்று கருதினால், அதைப்பற்றி கலந்தாலோசிக்க ஒரு கனவான் இருக்கிறார். அவரது சட்டத்தரணிகளினூடாக கடற்பட தலைமையலுவலகத்தில் இருக்கும் அவரை தொடர்புகொள்ளலாம்.

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

IPL 2010 அலசல் - பகுதி 2

IPL 2010 அலசல் - cheerleaders - பகுதி 1க்கு ஆதரவு கொடுத்த IPLஇன் உண்மை ரசிகர்களுக்கு நன்றி.

உங்கள் ஆதரவை கண்டோ என்னவோ தெரியாது, இன்று காலையில் IPLஇன் mobile இணையத்தளத்தை பார்த்தபோது cheerleaders video க்களை நம்மைப்போன்ற உண்மை ரசிகர்களுக்காக download பண்ணக்கூடிய முறையில் தந்திருக்கிறார்கள். இருந்தாலும் தெளிவு போதாது. கொஞ்சம் zoom பண்ணவேண்டாமா?

சரி மிகுதி 4 அணிகளை பார்ப்போம்.

---

Deccan Chargers

யாருய்யா இந்த dress design பண்ணினவன்? அவன் கைக்கு ஒரு மோதிரம் போடணும். சிவப்புக்கு மட்டுமல்லாது கறுப்புக்கும் சம உரிமை தந்த அணி இது. (எங்களை மாதிரி நல்ல ரசிகர்கள் திறமையைத்தான் பார்ப்போம். நிற பாகுபாடு அறவே இல்லை. யாதும் ஊரே.. யாவரும் கேளிர்..) கட்டாயம் இறுதிபோட்டிக்கு வரணும்.

---

Royal Challengerscheerleaders என்னா
நம்மள போட்டு தாக்கணும்...
தலைகீழ போட்டு திருப்பணும்...
அவங்க ஆடினா..
நமக்கும் ஆடணும்போல இருக்கணும்..
அப்படிபட்டவங்கள கண்டது இங்கதான்..
உங்க அணி இறுதி வரை வெல்லணும்..

---

Mumbai Indians

cheerleaders எப்படி இருக்க கூடாது என்பதற்கு உதாரணம். இவ்வளவு dress பண்ணிக்கிட்டு ஆடினவங்கள தமிழ் சினிமாவுலயாவது நான் பொறந்தா நாளையில் இருந்து காணல. அதுக்குள்ள Bollywood இன் தலைநகரம் Mumbai அணிக்கு இந்தமாதிரி dress பண்ணி கடுப்பை கிளப்புறாங்க.. இந்த அணி வீரர்கள் sixer அடிக்கத்தான் வேணுமா?

---

 Kings XI Punjab

இவங்க team owner கூட ஒரு cheerleader மாதிரி இருப்பது நமக்கெல்லாம்  bonus. அழகான தேர்வுகள். கொஞ்சம் ஒல்லிபிச்சான் மாதிரி இருப்பதுதான் லேசான கவலை. Finalக்கு வந்தா குத்தம் சொல்லமாட்டோம்  

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

IPL 2010 அலசல் - cheerleaders - பகுதி 1

மீண்டும் IPL திருவிழா ஆரம்பிக்கிறது.
நேற்று முதல் ஏப்ரல் 25 ஆம் திகதி வரை இனி ஒவ்வொரு நாளும் IPL தான் ஒவ்வொருவர் பேச்சாகவும்,பலரின் மூச்சாகவும் இருக்கப் போகிறது. இதற்கு ஒருவகையில் cheerleaders உம் காரணம்தான். பதிவுலகில் எல்லோரும் அணிகளை பற்றி அலசினால் நாங்கள் எதை பற்றி அலசுவது? அதுதான் cheerleadersஐ எடுதாச்சு.. அலச..

முன்னைய தொடரைப்போல் இதில் பெரிதாக பரபரப்பைக் காணோம். South African ரசிகர்களும் cheerleadersகளுக்கு சற்றும் சளைக்காமல் இருந்தது நிச்சயமாக இத்தொடரில் missing.

அடுத்த தடவை west indies இலாவது நடத்துங்கப்பா..

---

Rajasthan Royals

இவர்கள் அணியில் எல்லாரும் நன்றாக ஆடினாலும், match ஆகாத dress ஒரு பெரிய minus point . அரை இறுதி வரை வந்தால் போதும்

---

Delhi Daredevils

என்னதான் ஆடினாலும், கவர்ச்சியற்ற முகம் ஒரு பெரும் பிரச்சினை. அரை இறுதிக்கான வாய்ப்பு சிரமமாகட்டும்

---

Chennai Super Kings

தரமான ஆட்டக்காரர்கள். ஆனால் முழுக்கால் சட்டை தான் பெரும் பாடு படுத்துகிறது. முதல் சுற்றோடு போயிடுங்க please..

---

Kolkata Knight Riders

இவங்களுக்கு dress எடுத்து கொடுத்தவன புடிச்சு நாலு சாத்து சாத்தணும். என்ன மாதிரி dressஇது? பராவால.. அரையிறுதி வரை try பண்ணுங்க..ஏனைய நான்கு அணிகளைப் பற்றி அடுத்த பதிவில் பார்க்கலாம்..

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

சனத் ஜயசூரிய பாராளுமன்ற உறுப்பினராக தெரிவுசெய்யப்பட்டால்..

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

ஜனாதிபதித்தேர்தலும், பர்வேஷ் மஹரூப் விவகாரமும்

நேற்று ஜனாதிபதித்தேர்தல் தொடர்பான துண்டுப்பிரசுரம் ஒன்று கிடைத்தது.





















படத்தில் click செய்வதன் மூலம் பெரிதாக்கி பார்க்கலாம்.

அதில் இருந்த விடயங்கள் நாம் இதுவரை அறிந்ததாக இருந்தபோதும்,




என்ற கேள்வியொன்றும் இருந்தது.

இது உண்மையா இல்லையா என்று தெரியாது.

இருந்தும்

உண்மையாக இருந்தால் "என்ன கொடும சார்"

பொய்யாக இருந்தாலும் "என்ன கொடும சார்"

President Election, Mahinda Rajapaksha, Sarath Fonseka, ricket, Politics, Allegations, Farvesh Maharoof,

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

இனியாவது பயனுற பதிவெழுதுவோம்..

இலங்கை பதிவர்கள் கச்சதீவு விடயத்தில் கண்மூடிய பூனையாக இருப்பது ஏன்?

இந்திய தொடரில் நடுவர்களின் குழறுபடி! கண்டுகொள்ளாத இந்திய வலைப்பதிவர்கள்

நேற்று இலங்கை அணியுடன் டுவன்டி 20 போட்டியில் இந்தியா தோற்றுப்போனது. இந்தபோட்டியிலும் நடுவர்களின் தரம் கேள்விக்குரியதாயினும் இந்திய வீரர்களால் இலங்கைக்கு தாக்குப்பிடிக்க முடியவில்லை.
எவ்வாறாயினும் இந்தியாவில் நடப்பதே டுவன்டி 20க்கு ஒரு விஷேசம். தென்னாபிரிக்க, இந்திய மண்ணில் ரசிகர்களும் கிரிக்கட் கட்டுப்பாட்டுச்சபைகளும்; ரசிகர்களால் மிகவும் விரும்பப்படும் இப்போட்டிகளுக்கு மிகுந்த ஆதரவு வழங்கிவருகின்றனர்.
இதே இந்திய கிரிக்கட் கட்டுப்பாட்டுச்சபையே டெஸ்ட் கிரிக்கட்டுக்கும் ஈமைக்கிரியைகளை நடாத்த தயாராவதுபோல் தோன்றுகின்றது.

முதல் டெஸ்ட் போட்டியில் பொருத்தமற்ற ஆடுகளம், ரிபரல் சிஸ்டத்துக்கு இந்திய வீரர்கள் ஆதரவினமை, அதனை காரணம்காட்டி அம்முறைமையை இலங்கைத்தொடரில் பிரயோகிக்காமை, இதை இந்தியாவுக்கு சாதகமாக்கிய நடுவர்களின் குருட்டு முடிவுகள் என எல்லாமே இந்திய கிரிக்கட் சபையின் professionalismஐ கேள்விக்குள்ளாக்குகிறது.
இதேவேளை ஸ்டீவ் பக்னருக்கு எதிராக கொதித்தெழுந்தவர்கள்

இதையெல்லாம் மௌனிகளாக பார்த்துக்கொண்டிருப்பது இந்தியர்களின் மனநிலையை படம்பிடித்துக்காட்டுகின்றது.

நேற்று போட்டி முடிந்தபின் ITN இலும் அதன்பின் Eye Channel இலும் இலங்கை கடற்படையின் 58ஆவது ஆண்டு நிறைவை முன்னிட்டு விவரண நிகழ்ச்சிகள் காட்டப்பட்டன. இதில் இலங்கை கடற்படை பாவிக்கும் நவீன தொழிநுட்பங்கள் குறித்தும் விரிவாக விளக்கப்பட்டது.

இதன்போது ரேடார் திரையில் 60க்கும் மேற்பட்ட இந்திய வள்ளங்கள் இலங்கையின் கடல் எல்லைக்குள் அத்துமீறுவது தெளிவாக தெரிந்தது.

இலங்கையின் மூவின ஏழை மீனவர்கட்குச்சொந்தமான (முக்கியமாக வடமேற்கு பகுதியில் செறிந்துவாழும் தமிழ் பேசும் மக்களுக்கு சொந்தமான ) இலங்கையின் வடமேற்கு பகுதி மீன்வளம் இந்தியமீனவர்களால் அபகரிக்கப்படுவதை தமிழ்நாட்டு மீனவர்கள் கச்சதீவு பற்றி பேசி நியாயப்படுத்துகிறார்கள்! இந்த மீன்வள திருட்டுக்கு ஆதரவாக இந்திய வலைபூ எழுத்தாளர்கள் அதிகளவு எழுதியபோதும் அதற்கு எதிராக எமது நியாயத்தை உரத்துச்சொல்ல இலங்கயின் எந்தப்பதிவரும் முன்வராதது வெட்கக்கேடாகும். அரசாங்கமோ புலிகளோ இந்திய மீனவர்களின் இப்பகல் கொள்ளையை அனுமதித்ததில்லை என்பது இங்கு கவனத்தில் கொள்ளப்படவேண்டும்!. BBC இல் இந்தியமீனவர்கள் புலிகளால் கைதுசெய்யப்பட்டனர் என செய்திகள் வெளிவந்திருந்தன என்பதை ஆதாரமாக நான் தெரிவிக்க விரும்புகிறேன்.

தமிழ்நாட்டு மீனவர்களின் கொள்ளையை விமர்சிக்காமல் இருப்பதன்மூலம் இலங்கையின் தமிழ்மக்கட்கு சில சலுகைகளை பெற்றுத்தர இலங்கப்பதிவர்கள் நாடினால் அது முட்டாள்தனமானதும் வெட்கக்கேடானதுமாகும்.

நடுவர்கள் விடயத்தில் இந்திய வலைப்பூ எழுத்தாளர்களின் மௌனமும் இந்திய மீனவர்களின் கடற்கொள்ளை விடயத்தில் இலங்கை வலைப்பதிவர்களின் மௌனமும் வலைப்பதிவர்களின் நாணயத்திலும் நியாயத்திலும் கேள்வியெளுப்புகிறது.

இனியாவது பயனுற பதிவெழுதுவோம்..

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

விஜயகாந்த், கமல் + பிஜேபி

• எழுத்தாளர் - சுஜாதா (எழுத்துக்கு மட்டுமல்ல.. தேவையற்ற விடயங்களில் மூக்கை நுழைக்காததற்கும்) ஜெயகாந்தன் இன்னும் பலர் + ஞானி
  
  
• கவிஞர் - வாலி
  
  
• நடிகர் - கமல் (அன்பே சிவம்), மாதவன்
  
  
• நடிகை - எல்லாரும்
  
  
• இயக்குனர் - மணிரத்னம், ஷங்கர், ஜீவா, சரண்
  
  
• பாடகர்கள் , இசையமைப்பாளர்கள் - ஏறத்தாள எல்லோரையும் பிடிக்கும். பிடிக்கதவற்றை யார் பாடினார் என்று தேடுவதில்லை. இளையராஜாவை சில சமயங்களில் ரஹ்மான் மீதான காழ்ப்புணர்ச்சி காரணமாக பிடிப்பதில்லை
  
  
• கிரிக்கெட் வீரர்கள் - இலங்கை வீரர்களுடன் ட்ராவிட், வெட்டோரி, அக்தார்
  
  
• அரசியல்வாதிகள் - எல்லோரையும் ஒவ்வொரு காரணத்துக்காக பிடிக்கும். பிடிக்காதவர்களை தவிர
  

• நடிகர் - விஜயகாந்த், கமல் (உன்னைப்போல் ஒருவன்)
  
  
• இயக்குனர் - பேரரசு, விக்ரமன் (சென்டிமன்ட் தாங்கல), பாரதிராஜா (பிந்திய படங்களுக்காக)
  
  
• கிரிக்கெட் வீரர்கள் - ஹர்பஜன், கில்கிரிஸ்ட் (உலக கிண்ணத்தில் தப்பாட்டம்), அர்ஜுன ரணதுங்க (சாயி பாபா காரணமாகத்தான் உலக கிண்ணம் வெல்ல முடிந்தது என்ற பேட்டி கல்கியில் வந்த நாள் முதல், அத்துடன் கிரிக்கட் கட்டுப்பாட்டுச்சபை விவகாரங்கள்)
  
  
• அரசியல்வாதிகள் - சிஹல உறுமய இந்திய பிஜேபி அனைவரும்
  

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

உனக்கு நூறு எனக்கு ஆயிரம்..

இன்று The Island பத்திரிகையில் காணக்கிடைத்த சுவாரசியமான புகைப்படம்.

ஆயிரங்க்ளை வைத்துக்கொண்டு நூறுகளை மனைவிக்கு கொடுக்கும் சங்கக்கார. 

இந்தியாவுக்கு பிரயாணிக்க தயாராகும் சங்கக்கார மனைவிக்கு காசு கொடுக்கிறார்..

லட்சக்கணக்கில் சம்பாதிப்பவர்களே நூறில் தானா கொடுக்கிறார்கள்?

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

TV உடன் ஞாயிறு

இந்த ஞாயிறு உடன் வீட்டில் கழிந்தது. அதில் சில சுவாரசியங்களை உங்களுடன் பகிரலாம்.

வெற்றி TV முதல் தடவையாக பார்த்தேன். (பயணங்கள் காரணமாக பிந்திப்போனது). Tune பண்ணி முடித்தபோது நேபாளி படம் போய்க்கொண்டிருந்தது.

நேபாளி என்ற பெயர் காரணமாக படத்தில் பெரிய எதிர்பார்ப்பு இருக்கவில்லை. அதனால் அதைப்பார்த்திருக்கவில்லை. காதல் காட்சிகளாகட்டும் மற்றவையாகட்டும், எல்லாம் பிடித்திருந்தது. பரத்தின் மரணம் சொல்லப்பட்ட விதம் ரொம்ப பிடித்திருந்தது. கதாநாயகனின் மரணம் சோகமின்றி ஜீரணிக்க கூடியதாக இருந்தது படத்தின் தரத்துக்கு சான்று.

தம்பதியர் தனியாக வாழ்வது எவ்வளவு பெரிய என்பது பயமுறுத்தி புரியவைக்கப்பட்டுள்ளது. இனி எல்லா நண்பர்களுக்கும் தனியாக வாழ வேண்டாம் என்று சொல்லவேண்டும்.

அத்துடன் நீண்ட நாட்களுக்குப்பின் மது போதை அல்லாத காட்சிகள் censor செய்யப்பட்டதும் இப்படத்தில் தான் காணக்கிடைத்தது. சிறையில் ஆண் கைதிகள் குளிக்கும் காட்சியும் censor செய்யப்பட்டது.

வெற்றிக்கு Tune பண்ணியபோது இலவச இணைப்பாக டாண் TV கிடைத்தது. ஒரு ஆரோக்கியமான போட்டி இலங்கை தமிழ் தொலைக்காட்சிகளில் எதிர்பார்க்கப்பட்ட போதும் அது டாண் TV இல் கிடைக்குமா என்பது சந்தேகமே..

டில்ஷானின் மீது ஆத்திரம். மலை போல் ஒரு இலக்கு இருக்கும்போது பொறுப்பற்று; ஜயசூரிய ஆட்டமிழந்த பின்னும் நிதானமாக டில்ஷான் ஆடவில்லை. அவ்வளவு விரைவாக அடித்தாடவேண்டியிருக்கவில்லை. தான் அப்படித்தான் என்று காட்டப்போய் விக்கட்டை தாரை வார்த்தார். அதேபோல் மகேலவும். வெட்டோரியின் அந்த ஓவரில் பொறுமை காத்திருக்கலாம். வெல்ல முடியாவிட்டாலும் இலக்குக்கு அருகில் கொண்டு சென்றிருந்திருக்கலாம். Run Rateக்காவது உதவியிருக்கும்.

அசத்தப்போவது யாரு பற்றியும் கட்டாயம் சொல்லவேண்டும். இந்நிகழ்ச்சியில் சிறுவர்கள் பங்குபற்றுவது எனக்கு உடன்பாடு இல்லாத விடயம். சுயமாக சிந்தித்து ஒரு 16 வயதுக்கு மேல் அவர்கள் கொமடி பண்ணினால் பரவாயில்லை. அம்மாவின் அப்பாவின் திணிப்புகளால் பிஞ்சில் வெம்பி இந்நிகழ்ச்சியில் கலந்து கொள்வது பிரக்ஞை உள்ள ஒருவராவது எதிர்க்கவில்லயா?

மின்னல் நிகழ்ச்சி ஆர்வத்துடன் பார்க்க வேண்டியதாகியது. ரங்காவுக்கோ அல்லது அஸாத் சாலிக்காகவோ அல்ல. நீண்ட காலத்தின் பின் சுவாரசியமாக்கிய ஹரீஸுக்காக.

மின்னலின் ஆஸ்த்தான அரசியல்வாதிகளாக இருந்த ரவி ராஜ், சிவாஜிலிங்கம், பஷீர் சேகுதாவூத், இராதா கிருஷ்ணனின் வரிசையில் விரைவில் அஸாத் சாலியும் ஆனந்த சங்கரியும் சேர்ந்திருகிறார்கள் என்று தெரிகிறது,

தமிழ் முஸ்லிம் ஒற்றுமை பற்றிய ரங்காவின் பேச்சுக்கள் மகா கொமடி. இவர்தான் மூதூர் மக்கள் வெளியேற்றப்பட்டபோது இரண்டு முஸ்லிம் அரசியல்வாதிகளை கூட்டிவிட்டு கூத்து பார்க்க நினைத்தவர். (இருவரும் சண்டை பிடிக்க வேறு நாள் வருகிறோம். இப்போது மூதூர் பற்றியே பேசுவேம் என்று ரங்காவுக்கு ஆப்படித்தது பசுமையாக இன்றும் இனிக்கிறது) மூதூர் சம்பவம் தொடர்பாக மழுப்பல் போக்கை கையாண்டவர். சாத்தான் வேதம் ஓதுகிறது. தயவு செய்து அந்த நாய் கதையை விடுமாறு அவரை யாராவது சொல்லுங்கள். வேணாம்.. வலிக்குது.. அழுதுடுவன்..

அதில் மகா கொமடி, ஹரீஸிடம் கேள்விகேட்ட அந்த கல்முனை நபரை உங்களுக்கு தெரியுமா என்று ஹரீஸிடம் கேட்டதுதான். ஒரு நகரத்தில் வாழும் எல்லாரையும் தெரிந்திருக்க வேண்டியது மேயரின் கடமையா என்ன? பட்டதாரி ஒருவர் கேட்கும் கேள்வியா இது? என்ன கொடும சார்.

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

mig33 இல் IPL

இரண்டு நாட்களாக எங்கும் IPL பற்றியே பேச்சு.. TV இல் பார்க்க முடியாதவர்கள் வானொலியில் COMMENTARY கேட்கிறார்கள். இருந்தாலும் வானொலியில் ஒரு 4 /6 அடித்தால் அல்லது ஒரு WICKET போனால் மட்டுமே சொல்லுவார்கள். அதுவரை என்ன நடக்கிறது என்று தெரியாமல் கண்ண கட்டி காட்டுல விட்ட மாதிரி இருக்கணும். அதே போல் நாம் வேலையில் இருக்கும் போது அல்லது வீடு திரும்பும் போது COMMENTARY கேட்க என்ன வழி?

அல்லது ஒவ்வொரு பந்துக்கும் விலாவாரியாக COMMENTARY வேணுமா?

அல்லது போட்டி நடக்கும் போது உங்கள் கருத்துக்களையும் எதிர்பார்ப்புகளையும் ஏன் உங்கள் COMMENTARY ஐயும் மற்றவர்களுடன் பகிர்ந்து கொள்ள வேண்டுமா?

இன்னும் உங்கள் விருப்ப CRICKET STAR உடன் CHAT பண்ண வேண்டுமா? இதற்கெல்லாம் வழி சமைத்துள்ளது MIG33!

இன்னும் உங்கள் விருப்ப TEAM இன் CHAT ROOM இல் சேர்ந்து உங்களைப்போல் ரசனை உள்ளவர்களுடன்CHAT பண்ணவும் முடியும்!

இதையும் படிங்க
உங்கள் பிள்ளை மொபைல் போன் பாவிக்கிறதா? கவனியுங்கள்...

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.

இந்திய உபகண்டத்துக்கு கிடைக்குமா கிரிக்கட் உலக கிண்ணத்தை நடாத்தும் வாய்ப்பு?

IPL போட்டிகளை இந்தியாவுக்கு வெளியே நகர்த்த எடுக்க பட்ட முடிவு உபகண்டத்தின் cricket அரங்கில் இருண்ட காலத்தின் ஆரம்பமாக அமையக்கூடும் என்பது ஒரு கசப்பான அனுமானமாகும்..

கடந்த மாதம் பாகிஸ்தானில் இலங்கை அணி மீதான தாக்குதல் ஒரு மோசமான ஆரம்பமாக, சங்கிலி தொடர் விளைவாக அமைந்துவிட்டது. இலங்கை அணி மீது தாக்குதல் நடாத்தப்படக்கூடும் என்று யாரும் கனவிலும் நினைத்திருக்க மாட்டார்கள். எந்த நோக்கத்துக்காக இந்த தாக்குதல் நடாத்த பட்டது என்பது இன்று வரை மர்மமாக இருக்க அதன் விளைவுகள், பாதிப்புகள் ஆரம்பித்து விட்டன..

இந்த தாக்குதலின் பின், உள்நாட்டு பிரச்சினையில் சிக்கிய பங்களாதேஷ் எதுக்கு risk என்ற பாணியில் பாகிஸ்தான் உடனான தொடரை பிற்போட்டது; "வேலியில் இருந்த ஓணானை மடியில் கட்டியது" மாதிரி ஆகிப்போனது...

இது ஒப்பீட்டளவில் பாதுகாப்பான நாடாக கருதப்பட்ட பங்களாதேஷ் கூட இனி போட்டிகளை நடாத்த முடியாவிட்டால் இலங்கை, பாகிஸ்தான் , இந்தியா எம்மாத்திரம் என்ற கேள்வியை எழுப்பிவிட்டது.

இந்த நிலையில் மினி உலக கிண்ணத்தை தென்னாபிரிக்காவுக்கு மாற்ற முடிவு எடுத்தது நியாயமானதும் எதிர்பார்கப்பட்டதுமாகும்..

இலங்கை மினி உலக கிண்ணத்தை கிண்ணத்தை நடாத்த முனைப்பு காட்டினாலும் ICC, risk எடுக்க விரும்பவில்லை. அதுவும் பாகிஸ்தான் அணிக்கு இலங்கை மண்ணில் ரசிகர் மூலம் ஆபத்து எற்படலாம் (அண்மையில் இந்திய அணிமீது; போட்டி நடக்கும் வேளையில் சில பொருட்கள் எறியப்பட்ட சம்பவம் நடந்தேறியது காரணமாக இருந்திருக்கலாம்) அல்லது உள்நாட்டு போரில் பாரிய பின்னடைவை கண்டிருக்கும் பயங்கரவாதிகள் உலகின் கவனத்தை தன் மீது திசை திருப்ப வாய்ப்பை ஏற்படுத்தலாம் என்ற அச்சம் காரணமாக இருந்திருக்கலாம்.

இந்த சந்தர்ப்பத்தில் இந்திய தேர்தல்கள் அறிவிக்கப்பட பாதுகாப்பு அச்சம் காரணமாக மத்திய அரசு போட்டிகளை பிற்போடுமாறு கேட்டது இந்தியாவுக்கு தாக்குதல் தொடர்பான அச்சம் இருக்கிறது என்பதை உலகத்துக்கு பகிரங்கபடுத்திவிட்டது. உலகின் பெரிய ராணுவங்களில் ஒன்றுக்கு தன்மீது இருந்த அவநம்பிக்கையையும் பகிரங்கபடுத்திவிட்டது,

இந்திய அரசுக்கு நியாயமான பல காரணங்கள் இருக்கத்தான் செய்தது. இலங்கை பாகிஸ்தான் அணி மீது இந்தியாவில் வளர்ந்து வரும் எதிர்ப்பு ஒரு முதன்மைக்காரணமாகும். இந்த அணி வீரர்கள் விலகிக்கொண்டால் IPL இன் நட்சத்திர அந்தஸ்த்து குறைந்து விடும் என்பதை இந்திய cricket board உம் IPL உம் இந்திய அரசும் உணர்ந்திருந்தன. வன்முறை என்பது வளர்ந்து வரும் இந்திய தேர்தல் களஙகளில் எதாவது அசம்பாவிதம் எற்பட்டால் இந்திய ஊடகங்கள் IPL காரணமாக இந்திய அரசு மக்களை கைவிட்டு விட்டது என்று கடித்து குதறக்கூடும்.

அதே வேளை IPL க்கும் போட்டிகளை பிற்போடுவதும் சாத்தியமானதல்ல.. உலக அணி வீரர்கள் பங்கு பற்றும் நிலையில் ஏற்கனவே போட்டிகளை அரங்கேற்றுவதை உறுதிப்படுத்தும் விதமாக உலக கிரிக்கட் அணிகள் பல விட்டு கொடுப்புகளை செய்துள்ளன. மேலும் ஒரு முறை இந்த ஆண்டு எல்லா அணிகளும் விட்டுகொடுப்பது மரியாதை இல்லை. எல்லவற்றுக்கும் ஒரு படி மேலாக இலங்கை அணி வீரர்கள் தன் Interim Cricket Board தலைவரைகூட அகற்றுவதற்கு அழுத்தம் கொடுத்து வெற்றிகண்டிருந்தார்கள். அதற்கு IPL உம் இந்திய கிரிக்கட்டும் முழு ஆதரவை வளங்கியிருந்தன.

இந்தியாவில் நடாத்தவேண்டும் என்று ஒற்றை காலில் நின்றால் போட்டிகள் நடக்காமல் இருக்கவே வாய்ப்பு அதிகம். எனவே இந்தியாவுக்கு வெளியே நகர்த்தபட்டது ஒரு புத்திசாலித்தனமான முடிவாகும். இது உபகண்டத்தில் cricket கோமா நிலைக்கு செல்வதை தவிர்க்கும் நிலையில் உலக cricket சமூகத்தில் உபகண்டத்தின் ஆதிக்கத்தையும் தக்கவைக்கும்..

நிகழ்வுகளை உற்று நோக்கும் போது உலக கிண்ணத்தை நடாத்த இலங்கையை தவிர உபகண்ட நாடு எதுவும் தயார் நிலையில் இல்லை.

ஏன் இலங்கை தவிர என்றா கேட்கிறீர்கள்? இலங்கைக்கு மட்டும் யுத்தத்தையும் தேர்தலையும் ஒன்றாக வெற்றிகரமாக நடாத்தி அனுபவம் இருக்கிறது. அவ்வாறு நடாத்தவும் விருப்பு உள்ளதும் இலங்கை மட்டுமேயாகும். எவ்வளவோ பண்ணிட்டோம். இத பண்ண மாட்டோமா?!

EKSaar can be reached at eksaar1@facebook.com
EKSaar by EKSaar is licensed under a Creative Commons Attribution-Noncommercial-No Derivative Works 3.0 Unported License.
Based on a work at eksaar.blogspot.com.